ДДСҰ басшысы пандемия аяқталады деп есептемейді
Омикрон соңғы штамм емес, әлемде одан басқа да жаңа мутациялар пайда болуы мүмкін.
Алматы, NEGE. Дүниежүзілік денсаулық сақтау ұйымының бас хатшысы осылай дейді. Тедрос Гебрейесустың айтуынша, коронавирус індеті аяқталып келеді деп жар салу дұрыс емес көрінеді. Індетті толық еңсеру үшін тестілеу және вакциналау науқанын тиісті деңгейде атқару қажет дейді ұйым басшысы.
ДДСҰ бас хатшысы Тедрос Адханом Гебрейесус: "Пандемияға қатысты әртүрлі болжам бар. Қайта өршуі немесе ауыр кезеңі аяқталуы мүмкін. Қалай дегенмен де Омикронды соңғы штамм деп есептеу қауіпті. Керісінше, әлемдегі ахуал неше түрлі мутациялардың пайда болуына қолайлы жағдай жасап жатыр. Пандемияны еңсеру үшін біз осы жағдайды өзгерте білуіміз қажет", – деді.
