ДДСҰ арнайы топ құрмақ

Алматы, NEGE. ДДСҰ жедел аурулар бөлімінің техникалық тобының жетекшісі Мария Ван Керхованың айтуынша, ұйымда адамда күшті иммунитетті дамытуға қатысты мәліметтер бар.

«Біз көптеген елдегі коронавирусты қайтадан жұқтыру деректері туралы хабардармыз. Қайтадан жұқтыру бойынша арнайы тобымыз бар. Себебі оған қатысты сұрақ көп. Қазіргі сәтте біраз елден хабар түсіп жатыр, бірақ халықтың қанша пайызы коронавирусты қайтадан жұқтыруына байланысты нақты баға бере алмаймыз. Ең негізгі мәселе бірінші және екінші рет жұқтырғаннан кейін қандай иммундық жауап қалыптасатындығында. Антидененің саны өсе ме және жалпы не болып жатқандығында», – деді ол. 

ДДСҰ тағы бір мәселе – коронавирусты қайтадан жұқтыру қаншалықты қауіпті екенін анықтау екенін айтады.