Дәулет Тұрлыхановтың ұлын қадағаламаған пробация қызметкерлері жазалана ма?
Бұл сауалға Ішкі істер министрінің орынбасары Игорь Лепеха жауап берді.
Алматы, NEGE. Журналистер министрдің орынбасарына: «Мәжілісмен Дәулет Тұрлыхановтың ұлының сынақ мерзімін үш рет бұзуына байланысты Ішкі істер министрлігі қызметтік тексеріс жүргізе ме?» деген сұрақ қойды.
«Біз қызметтік тексеріс жүргіздік. Қатаң шаралар қолданылды, қызметкерлеріміз жазаланды», - деп мәлімдеді Лепеха.
Алайда қалай жазалағаны туралы ашып айтқан жоқ.
Естеріңізге сала кетейік, Сот Нұрасыл Болатқа қатысты бас бостандығын шектеу мерзімін бас бостандығынан айыру жазасына ауыстыру туралы үкім шығарды. Ол 1 жыл 5 айға бас бостандығынан айырылды.
Енді ол жазасын орташа режимдегі колонияда өтейді.
