Дәулет Тұрлыхановтың ұлы жазасын орташа режимдегі колонияда өтейтін болды
Сот депутат Дәулет Тұрлыхановтың ұлы Нұрасыл Болатқа қатысты шешім шығарды.
Алматы, NEGE. Алматыда Нұрасыл Болатқа қатысты іс қаралды. Сот оның қалған бас бостандығын шектеу мерзімін бас бостандығынан айыру жазасына ауыстыру туралы үкім шығарды.
Ол 1 жыл 5 айға бас бостандығынан айырылды. Енді ол жазасын орташа режимдегі колонияда өтейді.
Айта кетейік, Нұрасыл Болат екі рет шартты жазаны өтеу тәртібін бұзған. Жақында ғана депутаттың ұлының түнде көшеде, кейіннен тойда, караоке жүрген видеосы тараған болатын.
Естеріңізде болса, 2023 жылы ақпан айында Нұрасыл Болат заңгер Анна Димитриевич пен күйеуі Олег Чернов екеуін соққыға жыққан. Көп ұзамай оның үстінен қылмыстық іс қозғалды.