«Дарынды спортшы»: Татьяна Тарасова Михаил Шайдоровтың шеберлігін жоғары бағалады
КСРО-ға еңбек сіңірген жаттықтырушы Татьяна Тарасова қазақстандық спортшы Михаил Шайдоровтың Италияда өтіп жатқан қысқы Олимпиада ойындарындағы жеңісіне қуанышты екенін айтты.
Астана, NEGE. Ол «Матч ТВ» арнасына берген сұхбатында Шайдоровтың шеберлігіне жоғары баға беріп, спортшының бағдарламаны таза орындағанын атап өтті.
«Шайдоров пен оның бапкері үшін өте қуаныштымын. Дарынды спортшы Олимпиадада жеңіске жетті. Ол секіру элементтерін өте таза орындады, техникалық ұпайы да жоғары болды», — деді Тарасова.
Айта кетейік, жарыста ресейлік мәнерлеп сырғанаушы Петр Гуменник алтыншы орын алса, әлем чемпионы Илья Малинин сегізінші орынға тұрақтады.
Президент Қасым-Жомарт Тоқаев Михаил Шайдоровты II дәрежелі «Барыс» орденімен марапаттады. Ал әнші Димаш Құдайберген спортшыға автокөлік сыйлады.
