Дариға Назарбаева қызметінен кетуі керек – Айдос Сарым
Тұңғыш президенттің қызы – мәжіліс депутаты Дариға Назарбаева елдегі жағдайды, халық наразылығын ескере отырып, өз еркімен отставкаға кеткені абзал. Мәжіліс депутаты Айдос Сарым осындай мәлімдеме жасады.
Астана. NEGE. «Елдегі жағдайға байланысты ол адам ретінде, азамат ретінде отставкаға кетуі тиіс. Жұрт бұл жағдайды оның атымен байланыстырады. Сонысы дұрыс болар еді», – деді Айдос Сарым «Men media» кросс-медиа платформасында өткен баспасөз мәслихатында
Айта кететін жайт, Дариға Назарбаева қанды қаңтар оқиғасынан бері мәжілісте төбе көрсетпеген. Ресми нұсқа бойынша, ол коронавируспен ауырып жатыр. Кейбір дерек көздеріне қарағанда, ол қазір Дубайда тұрып жатқан көрінеді.
