Дәрігерлер 19 жастағы футболшының матч кезіндегі қазасына қатысты пікір білдірді
Алматы қалалық қоғамдық денсаулық сақтау басқармасы «Хан-Тәңірі» футбол клубының ойыншысы Диас Төлеу ауруханаға жеткізілген сәтте клиникалық өлім жағдайында болғанын хабарлады.
Алматы, NEGE. «Ауруханаға жеткізілген кезде науқастың тамыр соғысы мен қан қысымы болмаған, қарашықтары кеңейген. Дәрігерлер тобы 30 минут бойы реанимациялық шаралар жүргізді. Алайда қолданылған барлық шараларға қарамастан, өмір белгілерін қалпына келтіру мүмкін болмады. Биологиялық өлім тіркелді, — делінген басқарма хабарламасында.
Футболшының нақты өлім себебі сот-медициналық сараптама нәтижесінде анықталады.