«Damumed» жүйесін рұқсатсыз қолданғандар жауапқа тартылды
Ұлттық қауіпсіздік комитеті прокуратураның үйлестіруімен Жетісу облысының екі тұрғынына қатысты Денсаулық сақтау министрлігінің ақпараттық жүйелеріне заңсыз қол жеткізу фактісі бойынша қылмыстық істі тергеуді аяқтады.
Алматы, NEGE. Олардың медициналық қызметкерлердің есептік жазбаларын заңсыз иемдену арқылы Денсаулық сақтау министрлігінің «Тіркелген халық тіркелімі» және «Damumed» ақпараттық жүйелерін рұқсатсыз қолданғаны анықталды.
2025 жылы 30 қаңтарында Талдықорған қаласы сотының шешімімен олар Қылмыстық кодекстің 205-бабының 2-бөлігінде және 208-бабының 2-бөлігінде көзделген қылмыстарды жасағаны үшін кінәлі деп танылып, 300 айлық есептік көрсеткіш мөлшерінде айыппұл салуға сотталды.