Дағдарысқа қарсы 252 млрд теңге бөлінеді
Алматыда дағдарысқа қарсы шараларға 252 млрд теңге бөлу қарастырылған.
Алматы, NEGE. «Жалпы алғанда ТЖ режимін қамтамасыз етуге 265,3 млрд теңге қарастырылған. Оның ішінде дағдарысқа қарсы шараларға 252,1 млрд теңге бөлінеді. Бұл бағытта 216 жобаны жүзеге асыру жоспарда бар. 1 шілдеде жұмыспен қамту орталығында 14860 жұмыс орны құрылған. Жұмыспен қамтудың жол картасы, «Нұрлы жер» мемлекеттік бағдарламасы, нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы, агроөнеркәсіптік кешенді дамыту қолға алынған.
Одан бөлек қаражат мұқтаж санаттағы азаматтарға коммуналдық төлемдерді өтеуге, азық түлік себетін жасақтауға жұмсалады», – деді Қоғамдық кеңес отырысында Алматы бойынша ревизиялық комиссия төрағасының орынбасары Әлфия Рақышева.
