COVID-19-дан жазылған адамнан қайта жұғуы мүмкін бе?
Коронавируспен ауырып болған адамнан осы кесірлі дерт жұғуы мүмкін бе? Бұл сұраққа Астана қаласы қоғамдық денсаулық сақтау басқармасының басшысы Сәуле Қисықова жауап берді.
Алматы, NEGE. «Коронавирустан жазылған науқасты ауруханадан шығарудың критерийі - бұл оның емдеу схемасына сәйкес толық ем алып шығуы болып табылады. Бұл – 14 күн уақыт. Артынша пациентті екі мониторингтен өткіземіз. Жазылып болды деген уақыттан кейін 24 сағат өткен соң адамның биоматериалына сараптама жүргізіледі. Сол сараптама тек теріс нәтиже, яғни коронавирус инфекциясының жоқтығын көрсетсе ғана адам ауруханадан шығарылады. Сол себепті емделіп шыққандар коронавирус тасушылар деп айтудың керегі жоқ. Біз ауруханадан тек толық жазылған адамдарды ғана шығарамыз».
