COVID-19-дан сауыққан балалардан қауіпті мультисимптомдық синдром анықталған
Коронавирустан жазылған 662 балаға зерттеу жүргізіліп, олардан қауіпті мультисимптомдық синдром (MIS-C) анықталды.
Алматы, NEGE. Пенсильвания университетінің бір топ ғалымы және олардың Хьюстондағы Техас балалар ауруханасындағы әріптестері жаңа синдром өмір бойы бақылауды қажет ететінін болжады, деп жазды sterlegrad.ru. «Бұл – балаларда болатын SARS-CoV-2-мен байланысты жаңа ауру. Балаларда COVID-19-дың белгілері байқалмауы мүмкін (жөтел, тамақ ауруы, ентігу, иіс сезудің жоғалуы). MIS-C қабыну синдромы өлімге әкелуі мүмкін, себебі ол бірден бірнеше мүшеге әсер етеді. Оның ішінде жүрек, өкпе, асқазан-ішек жолдары және жүйке жүйесіне байланысты көріністері бар», - деді зерттеу авторларының бірі Альваро Морейр. Бақылау нәтижелерін медицина ғалымдары «The Lancet» журналына жариялады. Жарияланған ақпаратқа сәйкес 15.01-25.07 аралығында коронавируспен ауырған 662 баланың көпшілігінде жүрек-қан тамырлары жүйесінде қиындықтар болған. Дәрігердің айтуынша, мультисимптомдық синдром белгілері: – ісіну; – диарея; – бөртпе; – конъюнктивит; – лимфа түйіндерінің ісінуі.