COVID-19 жұқтырған 40-тан астам науқастың жағдайы нашар
Қазақстанда коронавирусты инфекцияны жұқтырған 40-тан астам науқастың жағдайы нашар және олар өкпені жасанды желдету аппаратына қосылған, деп хабарлады денсаулық сақтау министрлігінің баспасөз қызметі.
Алматы, NEGE. «Қазіргі таңда КВИ-ден 5073 адам емделіп жатыр, олардың 30-ы бала. Стационарларда 2863 науқас, амбулаторлық деңгейде -2210 науқас жатыр. 140 науқастың жағдайы ауыр, 18-нің жағдайы өте нашар, 24-і ӨЖЖ аппаратына қосылған», - делінген дүйсенбіде таратылған хабарда.
Соңғы ақпар бойынша 13 наурыз 7 қыркүйек аралығында КВИ+: жұқтырғандар – 106 361 (соңғы тәулікте – 60), адам өлімі – 1631 (соңғы тәулікте – 7); 1 тамыз – 7 қыркүйек аралығында КВИ-: жұқтырғандар – 27762 (соңғы тәулікте – 139), адам өлімі – 314 (соңғы тәулікте – 1).
«Жалпы елде 99 654 адам COVID-19 дертінен жазылып шыққан», - делінген Қазақстандағы КВИ жағдайы бойынша ведомствоаралық комиссия хабарында.
