Дүние
COVID-19: Ресейде антирекорд тіркелді
Ресейде COVID-19 жұқтырудың жаңа жағдайлары бойынша тәулік ішінде антирекорд тіркелді, – деп хабарлайды РИА Новости.
Алматы, NEGE. Шұғыл штабтың мәліметінше, Ресейде кейінгі тәулікте 17 347 адамның коронавирус жұқтырғаны анықталды. Өсім 1,1 пайыз деңгейінде тұр.
Бұған дейін өсім 23 қазанда – 17 340 болып тіркелген.
Науқастардың көбі Мәскеуде (5224, күн бұрын 4455), Санкт-Петербургте (715) және Подмосковьеде (499) анықталса, ең азы - Шешенстанда (тоғыз), Ненецк автоном округінде (төрт) және Чукоткада (бір) тіркелді. Вирус жұқтырғандардың ішінде төрттен бір бөлігінен аса адамда аурудың симптомдары болмаған.
Кейінгі тәулікте 219 адам қайтыс болып, 7 574 науқас жазылды.
Пандемия басынан бері елді коронавирус жұқтырғандар саны 1 531 224-ке жетті. 26 269 адам қайтыс болды, 1 146 096 науқас аурудан айықты.