Covid-19: Елде ПТР тест жоқ
Елімізде коронавирусты анықтайтын арнайы ПТР тест жоқ. Соңғы 3 күнннен бері денсаулығына күдігі бар тұрғындар сынама таппай сенделіп жүр, деп хабарлайды Еуразия Бірінші арнасы
Алматы, NEGE. Осы мәселе бойынша, Денсаулық сақтау министрлігіне қарасты ғылыми-практикалық орталықтың басшысы Жанар Сүлейменова өзінің фейсбуктегі парақшасында жауап берді. Оның сөзінше, соңғы үш айда елдегі зертханалардың қуаты тәулігіне 6 мыңнан 30 мың тестке дейін артқан. Сол себепті, сынамалар жетпей жатқан көрінеді.
Ал, күні кеше министрлік алаңдаған азаматтарды Covid-19 белігілері байқалған жағдайда ғана сынама тапсыруға шақырды.
Айта кетейік, пандемия басталғалы елімізде тұрғындардан 1,2 млн ПТР сынамасы алынған. Дәл осынша арнайы тест алдағы 10 күнде сатып алынады деп жоспарланып отыр.