Covid-19: Атырауда тоғыз күнде 900-ге жуық медицина қызметкері вакцина алды
Атырау облысында ақпанның 1-9 аралығында 873 медицина қызметкері коронавирус инфекциясына қарсы вакцина қабылдады, деп хабарлайды Атырау облыстық денсаулық сақтау басқармасының баспасөз-қызметі.
Алматы. NEGE. "9 күнде облыста 873 медицина қызметкері екпе алды. Оның ішінде 300-ге жуығы аудандық емханалардың қызметкері. Вакцина алған медицина қызметкерлерінің денсаулығы жақсы.
Екпеден кейін ауруханаға түскен жағдайлар тіркелмеді",- деді облыстық денсаулық сақтау басқармасы басшысының орынбасары Қайсар Абдалиев.
Айта кетейік, бұған дейін облысқа коронавирус инфекциясына қарсы 1000 доза екпе әкелінгенін хабарлаған болатынбыз. Вакцина өңірдегі 24 екпе егу нүктесінде салынуда.
