Дүние
COVID-19: әлемдегі ахуал қалай?
Коронавирус індетінің беті қайтар емес. Қазір Ұлыбритания, АҚШ, Испания, Италия, Түркияда өлім көрсеткіші күн санап артып отыр.
Алматы, NEGE. Ұлыбританияда коронавирусты жұқтырған тағы 5 525 адам анықталды. Қазіргі таңда COVID-19 коронавирус инфекциясын жұқтырған барлығы 114 217 адам тіркелген. Сондай-ақ, аталған вирустың кесірінен жақында 888 адам көз жұмды. Қайтыс болғандардың жалпы саны - 15 464.
Түркияда жақында 3 783 адам коронавирус инфекциясын жұқтырған. Бұл елде вирусты жұқтырғандардың жалпы саны - 82 329. Қауіпті вирустан тағы 121 науқас қайтыс болды. Індеттің салдарынан көз жұмғандардың жалпы саны 1890-ды құрап отыр. Иранда тағы 1 374 адамның COVID-19-ды жұқтырғаны белгілі болды. Коронавирус инфекциясын жұқтырған жалпы 80 868 адам тіркелген. Иранда коронавирустан 73 адам жақында көз жұмды. Бүгінгі таңда ел бойынша қайтыс болғандар саны - 5 031. Францияда 3 824 адамның коронавирусты жұқтырғаны тіркелді. Жалпы вирусты жұқтырғандар саны 151 793-ке жетті. Сонымен қатар, соңғы уақытта 642 адамның вирустың кесірінен көз жұмғаны белгілі болды. Қайтыс болғандардың жалпы саны - 9 323. Өзбекстанда COVID-19-ды жұқтырған тағы 85 адам анықталды. Коронавирус инфекциясын жұқтырғандардың жалпы саны 1490-ға артты. Жақында бір адам аталған инфекция салдарынан қайтыс болды. Бұл елде коронавирустан көз жұмғандар саны - 5 адам.