Cора өсімдігін өнеркәсіптік қайта өңдеу қағидалары бекітілді
2025 жылғы 22 қарашадан бастап Қазақстанда сора (каннабис) өсімдігінің сұрыптарын өнеркәсіптік қайта өңдеу қағидалары күшіне енеді.
Астана, NEGE. Жаңа құжат техникалық сорттағы өсімдіктерді өңдеумен айналысатын кәсіпорындардың жұмыс тәртібін анықтайды, бұл өсімдіктер есірткі заттарын өндірумен байланысты емес.
Есірткі және психотроптық заттарды өндірумен немесе дайындаумен байланысты емес өнеркәсіптік мақсаттарда өсіруге рұқсат етілген сора (каннабис) өсімдігінің сұрыптарын өнеркәсіптік қайта өңдеу қағидалары бекітілсін,– деп көрсетілген Үкімет қаулысында.
Ережеге сәйкес, бұл – текстильден бастап құрылыс және азық-түлік өнеркәсібіне дейін - соңғы өнім алуға бағытталған технологиялық процестерді қамтиды.
Мәселен, тоқыма өнеркәсібінде – зығыр-кендір мата, арқан, тоқылмаған материалдар, техникалық жіп және басқалар өндірісіне қолданылады.
Құрылыс өнеркәсібінде арболит, сора бетонын (hempcrete), жылу оқшаулағыш тақта және басқалар жасалады.
Тамақ өнеркәсібі және жемшөп дақылдары – тағам майын, күнжара, ұн, ақуыз концентраттарын, жануарларға арналған жемшөп және басқа да өнімдер өндірісін қамтиды.
