Черногория Еуропада коронавирус ең көп таралған елге айналды
Черногория Еуропада коронавирустың таралуы бойынша алдыңғы орынға шықты.
Алматы, NEGE. Оңтүстік-шығыс Еуропадағы шағын елде вирус жұқтырғандар 11700-ге жуықтаған. Бұл дегеніміз, 100 мың тұрғынға шаққанда 1700-ге жуық адам дертке шалдыққанын білдіреді. Бірақ мамандар науқастардың саны ресми деректен 3 есе артық деп отыр. Черногория билігі елде коронавирус жұқтырғандар барын біраз уақыт мойындамай келді. Шенеуніктер туристік маусым мен парламенттік сайлау алдында мемлекетті «коронавирустан таза аймақ» деп жариялаған еді.
