Спорт
Чептегеи рекорд жаңартты
Угандалық желаяқ тасжолдағы жарыста 10 шақырымға жүгіруден әлемдік рекордты жаңартты.
Алматы, NEGE. Испаниядағы Валенсия қаласында өткен бәсекеде ол осы қашықтықты 26 минут 38 секундта бағындырды. Бұл 2010 жылдан бері кениялық жеңіл атлет Леонард Комон ұстап келе жатқан рекордтан 6 секундқа жылдам нәтиже.
Угандалық соңғы шақырымды 2 минут және 45 секундтан аз уақытта жүгіріп өтті. 23 жастағы Чептегеи – биылғы жылы 10 шақырымдық қашықтыққа жүгіруден әлем чемпионы және 2017 жылы әлем чемпионатының күміс жүлдегері атанған.