Чемпиондар вагоны: қарағандылық бишілер желіні тәнті етті
Желіде Қарағандыдағы «Аяла» би үйірмесінің жас бишілері түсірген видео қызу талқыланып жатыр.
Астана, NEGE. Алматыда өткен халықаралық би жарысынан Қарағандыға пойызбен қайтып бара жатқан қыздар танымал тренд бойынша видео түсіруді ұйғарған. Олар жарыста алған медальдарын сыңғырлатып, кубоктарын көрсетіп, видео түсіріпті.
Би жарысында 4 және 8 жас аралығындағы қыздар бірнеше аталым бойынша бірінші және екінші орындарға ие болған. Топ жетекшісі Татьяна Савельеваның айтуынша, эмоцияға толы қойылымдар көрермендер мен қазылар алқасын бейжай қалдырмаған.
Желі қолданушылары да бишілердің желіге жүктеген видеосын жылы қабылдады. Пікір иелері биші қыздарды жетістігімен құттықтап, мұндай «чемпиондар вагоны» расымен қошеметке лайық екенін жазуда.