Дүние
БҰҰ туризм саласында қанша адамның жұмыссыз қалатынын айтты
БҰҰ бас хатшысы Антониу Гутерреш пандемия салдарынан туризм саласында 120 млн-ға жуық адам жұмыссыз қалуы мүмкін екенін айтты.
Алматы, NEGE. "Жердегі әрбір оныншы адам туризм саласында еңбек етеді. Осы арқылы жүздеген миллион адам өз нәпақасын тауып жүр", – деді Гутерреш. Бас хатшының мәліметінше, қазір бұл сала дағдарысты бастан кешіріп жатыр. 2020 жылдың алғашқы бес айында халықаралық туристік ағын жартыға азайған. Аталған қызмет түрінен түсетін табыс көлемі 320 млрд долларға кеміген. «Бүгінде туризм саласында еңбек ететін 120 млн-ға жуық адамға қауіп төніп тұр. Олардың арасында әйелдер мен жастар көп», – деп мәлімдеді Гутерреш.