БҰҰ бас хатшысы алаңдаушылық білдірді
"Коронавирус адамзат баласына үлкен қауіп төндіріп отыр". БҰҰ бас хатшысы Антониу Гутерриш ұйымның 75-сессиясы шеңберінде бұқаралық ақпарат құралдармен кездесіп, осылай деп мәлімдеді, деп хабарлайды zakon.kz.
"Бас хатшы адамзат баласы мұндай дағдарыспен алғаш рет бетпе-бет келіп отырғанын тілге тиек етіп, індетпен бірлесіп күресуге шақырды. Әлемде коронавирустан қайтыс болғандардың саны 1 миллионға тақап қалғанын және дертке қарсы дәріні іздестіруді жалғастыру қажеттігін жеткізді. Халық арасында вакцинаға деген сенімсіздік барын айтып, екпе туралы жалған ақпаратпен күресуге шақырды", дейді БҰҰ бас хатшысы.
Антониу Гутерриш, БҰҰ бас хатшысы:
– Коронавирустың таралуымен қатар, оған қарсы вакцинаға қатысты алыпқашпа сөздер көбейді. Пікір алуандығы адамдардың екпеге деген күдігін арттырып, күмән тудырды. Яғни вакцинаны мойындамау, керек десеңіз сенімсіздік белең алды. Дәл қазір дерт қысып тұрған шақта алып-қашпа әңгімелерге балта шабу керек. Әйтпесе вирусты еңсеру қиынға соғады.
