БҰҰ Қазақстанға тәуелсіз бітімгершілік миссиясына мандат берді
![Қазақстан әскері](/static/img/plug.jpg)
Қазақстанның 430 әскери қызметшісі БҰҰ бітімгершілік миссияларына қатысады.
Алматы, NEGE. Парламент палаталарының бірлескен отырысында Қорғаныс министрі Руслан Жақсылықов БҰҰ Қазақстанға тәуелсіз бітімгершілік миссиясына мандат бергенін айтты.
"БҰҰ-ның бітімгершілік қызметі аясында Қазақстанның позициясын бекіту мақсатында БҰҰ Жарғысының VII тарауы аясында ("Бейбітшілікке төнетін қатерге, бейбітшілікті және агрессия актілерін бұзуға қатысты іс-қимыл") Қазақстан Қарулы күштерінің БҰҰ-ның Таяу Шығыстағы, Оңтүстік Судан Республикасындағы және Абьейдегі бітімгершілік миссияларына қатысу географиясын біртіндеп кеңейтуді орынды деп санаймын және жалғастыруды ұсынамын", – деді қорғаныс министрі Руслан Жақсылықов парламенттің бірлескен отырысында.
Осылайша Қазақстаннан барлығы 430 әскери қызметшісі (резервтегі рота, штаб офицерлері, әскери байқаушылар және мамандандырылған бөлімшелер) БҰҰ бітімгершілік миссияларына қатысады:
– "БҰҰ-ның Голан биіктіктеріндегі бөлуді байқау күштеріне" (UNDOF, Сирия – Израиль);
– "БҰҰ-ның бітімге келу шарттарының орындалуын байқау жөніндегі органына" (UNTSO, Палестина – Израиль);
– "БҰҰ-ның Оңтүстік Судан Республикасындағы миссиясына" (UNMISS, Оңтүстік Судан);"БҰҰ-ның Абьейдегі қауіпсіздікті қамтамасыз ету жөніндегі уақытша күштеріне" (UNISFA, Судан).