Бұрынғы бас көлік прокуроры Мақсат Дүйсеновке іздеу жарияланды
Алматының Алмалы ауданы полициясы прокуратураның тапсырмасымен Мақсат Керімбайұлы Дүйсеновке іздеп жарияланды.
Алматы, NEGE. Ол бұрын қаржы полициясында және Мемлекеттік қызмет істері мен сыбайлас жемқорлыққа қарсы агенттікте басшылық қызметтер атқарған.
Еңбек жолы Қайрат Қожамжаровпен байланысты болғандықтан, оны командасының мүшесі деп атайды. Мысалы, 2013–2014 жылдары Дүйсенов Қауіпсіздік кеңесі хатшылығының сектор меңгерушісі қызметін атқарған. Сол кезде Қожамжаров Президенттің көмекшісі әрі Қауіпсіздік кеңесінің хатшысы қызметінде болған.
2016 жылдың қазанынан 2018 жылдың қаңтарына дейін Дүйсенов Сыбайлас жемқорлыққа қарсы ұлттық бюро басшысының орынбасары болып істеді. Ол уақытта Қожамжаров агенттікті басқарған.
2017 жылдың желтоқсанында Қожамжаров Бас прокурор болды. Ал 2018 жылдың қаңтарынан бастап Дүйсенов әуелі Бас көлік прокурорының бірінші орынбасары, кейін Бас көлік прокуроры болып жұмыс істеді.
