Бүлдіршін тіс дәрігеріне барған соң қайтыс болған
Нұр-Сұлтанда жеке стоматологияға барып тісін емдеткеннен кейін комаға түскен қыз қайтыс болды.
Нұр-Сұлтан, NEGE. Тіс дәрігеріне барған кезде Алиса екі жарым жаста болатын. Қыздың миында ауыр дәрежеде аноксиялық зақымдану болған Бұл туралы қыздың анасы Анастасия Зеленая (Шарф) өзінің Instagram парақшасында хабарлады.
Әлеуметтік желідегі жарияланымда ол кінәлілерді әділ жазалау үшін күресті жалғастыратынын, азаматтық сот процесі жүріп жатқанын атап өтті.
«Біз сот-медициналық сараптама жасалады деп күтіп отырмыз... барлығын аяқтағаннан кейін мен міндетті түрде күресті жалғастырамын», – деп жазды ол. Нұр-Сұлтандық екі жасар қыз тіс дәрігеріне барғаннан кейін комаға түскен. 2019 жылдың 26 желтоқсанында болған оқиғаны қыздың анасы хабарлады.
Тексеру көрсеткендей, жалпы наркоз кезінде балаға «Мепивастезин» беріп анестезия жасаған. Бұл препаратты төрт жасқа дейінгі балаларға беруге болмайды.
Сарапшылардың пікірінше, қыздың жағдайының нашарлауы анафилактикалық шокқа байланысты болуы мүмкін.