Бүгін – Отбасы күні
Мәдениет және ақпарат министрлігінің мәліметінше, қыркүйектің екінші жексенбісінде елімізде Отбасы күні аталып өтеді.
Алматы, NEGE. Мереке 2013 жылы бекітілген. Мерекенің негізгі идеясы – ұлттық және отбасылық құндылықтарды дәріптеу, отбасы мен неке ұғымдарына сүйіспеншілік тудыру, – деп қосты ведомство.
Биыл мерекенің жаңа тұжырымдамасы бекітілді. 2-8 қыркүйек аралығында Отбасы күніне арналған апталық өтті. Аптаның әр күні отбасылық дәстүрлер, некені жоспарлау, ұрпақ саулығы, саналы ата-ана болу, отбасылық демалыс пен басқа да тақырыптарға арналды. Республика бойынша барлығы мыңнан астам іс-шара өткізіліп, бір миллион адам қамтылды.
Бүгін қазақстандықтар «Отбасым – менің байлығым» акциясын бастады. Әлеуметтік желіде отбасыңыздың суретін жариялау арқылы акцияға қосылуға болады.