Бүгін Қасым-Жомарт Тоқаев 73 жасқа толды
Бүгін Қазақстан Президенті Қасым-Жомарт Тоқаев 73 жасқа толды.
Астана, NEGE. Мемлекет басшысы туған күнін атап өтпейді. Бұған дейін де оның отбасында балалар мен ата-аналардың туған күнін арнайы тойлау дәстүрі болмағаны айтылған. Сондықтан Президент үшін бұл күн – қарапайым жұмыс күні. Өткен жылдары Президент әкімшілігінің қызметкерлеріне құттықтаудан бас тарту ұсынылған.
Қасым-Жомарт Тоқаев 1953 жылы 17 мамырда Алматы қаласында дүниеге келген. Әкесі Кемел Тоқаев – Ұлы Отан соғысының ардагері, қазақ әдебиетіндегі детектив жанрының негізін қалаушылардың бірі. Анасы Тұрар Шабарбаева Алматы шет тілдері педагогикалық институтында жұмыс істеген.
2019 жылғы 20 наурызда Қасым-Жомарт Тоқаев ант қабылдап, Қазақстан Президенті қызметіне кірісті. Сол жылғы 9 маусымда өткен кезектен тыс президент сайлауында 70,96 пайыз дауыс жинап жеңіске жетті.
2022 жылғы 20 қарашада өткен кезектен тыс президент сайлауында Тоқаев қайта сайланып, сайлаушылардың 81,31 пайыз дауысын алды.
