Бүгін Хасан Қасымбаевтың ісіне қатысты алғашқы сот отырысы өтеді
«Хуторские» бандасының басшысы делінген Хасан Қасымбаевтың соты 20 тамыз, сағат 15.00-ге белгіленген.
Алматы, NEGE. Іс Талғар аудандық сотында қаралады.
Хасан Қасымбаевтың есімі Талғарда 16 жастағы Шерзат Полатты аяусыз өлтіріп кеткеннен кейін атала бастады. Ол «Хуторские» бандасының жетекшісі делінген еді.
Кейіннен Алматы облысының полиция департаменті 2024 жылдың 2 қарашасында Хасан Қасымбаевтың уақытша ұстау изоляторына қамалғанын хабарлады. Белгілі болғандай, ол Шерзат Полаттың өліміне қатысты ұсталмаған. 2021 жылы ережесіз жекпе-жектен жаттықтырушы Арман Әлімовтің денсаулығына қасақана ауыр зиян келтірді және ұрлады деген күдікке ілінген. Қылмыстың 2021 жылдың 17 маусымында жасалғаны анықталды.
Қазір Х.Қасымбаевтың қазір ҚР ІІМ ҚАЖК-нің №72 мекемесінде қамауда отырғаны белгілі.
