Бүгін еліміздің тоғыз қаласында ауа сапасы нашарлайтыны ескертілді
Синоптиктер 2025 жылғы 21 қыркүйекке арналған қолайсыз метеорологиялық жағдайлар бойынша өз болжамымен бөлісті. Оған сәйкес, бүгін еліміздің тоғыз қаласында ауа сапасы нашарлайтыны болжанады.
Алматы, NEGE. «2025 жылғы 21 қыркүйекте қолайсыз метеорологиялық жағдайлар Қарағанды, Теміртау, Өскемен, Ақтөбе, Орал, түнде Атырау, Қостанай, Алматы, Астана қалаларында күтіледі», –делінген хабарламада.
Қолайсыз метеорологиялық жағдайлар (ҚЖМ) — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
