Бүгін елімізде ауа райы қандай болады
"Қазгидромет" РМК бүгінге, 11 мамырға арналған ауа райы болжамын жариялады.
Алматы, NEGE. Синоптиктердің болжамынша, ел аумағының басым бөлігінде оңтүстік циклонның және атмосфералық фронтальды бөліктердің әсерінен найзағайлы жауын-шашын, бұршақ және желдің күшеюі күтіледі. Әсіресе солтүстік, шығыс және оңтүстік-шығыстың таулы аймақтарында қатты жаңбыр жаууы мүмкін.
Жамбыл, Түркістан, Маңғыстау, Қарағанды, Жетісу, Ұлытау, Абай, Алматы, Атырау, Ақтөбе, Павлодар, Қостанай, Ақмола және Шығыс Қазақстан облыстарының бірқатар өңірлерінде өрт қаупі жоғары.
Ал Қызылорда, Түркістан, Жамбыл, Алматы және Жетісу облыстарының орталық және батыс бөліктерінде төтенше өрт қаупі сақталады.
Синоптиктер тұрғындарды ауа райының қолайсыз жағдайларына дайын болуға және қауіпсіздік шараларын сақтауға шақырады.