Бүгін Алматы метрополитенінде терроризмге қарсы оқу-жаттығу өтеді
Бүгін 22 мамыр күні Беларусь көшесі, 15 мекенжайында орналасқан Алматы метрополитені депосының аумағында сағат 09:00-ден 17:00-ге дейін жоспарлы антитеррорлық оқу-жаттығулар өтеді, деп хабарлайды Алматы қаласы терроризмге қарсы жедел штабы.
Алматы, NEGE. Оқытудың мақсаты – адам көп шоғырланған жерлерде террористік қауіп-қатер туындаған кезде өзара әрекеттесу дағдыларын машықтандыру.
– Қауіпсіздік шараларын сақтауды және мемлекеттік қызметкерлердің заңды талаптарын орындауды сұраймыз. Сондай-ақ ресми ақпарат көздерін басшылыққа алып, жалған ақпараттың таралуына жол бермеуге шақырамыз,– делінген хабарламада.
Сонымен қатар, Әкімшілік құқық бұзу кодексінің 443-бабына сәйкес, қоғамдық тәртіпті қамтамасыз етуге қатысатын адамның заңды талабына бағынбау әкімшілік жауапқа әкеліп соқтыратынын ескеру қажет.