Бүгінгі ауа райы: қар, бұрқасын, көктайғақ
Синоптиктердің болжауынша, бірқатар өңірде жел күшейеді, қар, жаңбыр жауады, көктайғақ болуы мүмкін.
Алматы, NEGE. Атлантика циклоны Қазақстан аумағының басым бөлігіне әсер етеді, осыған байланысты жаңбыр, қар жауады, солтүстікте бұрқасындатады. Республиканың басым бөлігінде көктайғақ болып, жел күшейеді, оңтүстікте шаңды дауыл тұрады, батыста, оңтүстік-шығыста тұман түседі.
Ақмола облысында бұрқасын соғып, көктайғақ болады, жел 15-20 м/с күшейеді, солтүстікте және шығыста екпіні 23-28 м/с жетеді. Солтүстік Қазақстан облысының басым бөлігінде бұрқасын соғады, облыстың солтүстігінде, шығысында, оңтүстік-шығысында көктайғақ болады, жел 15-20, екпіні 23-28 м/с күшейеді.
Қарағанды облысының батысында, солтүстігінде, орталығында бұрқасындатады, көктайғақ, жел 15-20 күшейеді, екпіні 23-28 м/с жетеді. Павлодар облысында батыста, облыстың оңтүстігінде көктайғақ болады, жаяу бұрқасын соғады, жел 15-20, екпіні 23-28 м/с күшейеді.
Жамбыл облысында солтүстікте және таулы аймақтарда тұман түседі, оңтүстік-батыста, солтүстік-шығыста, таулы аймақтарда жел 15-20, екпіні 23-28 м/с күшейеді.
Шығыс Қазақстан облысында күндіз солтүстікте, батыста жаяу бұрқасын соғады, көктайғақ болады, солтүстікте, облыстың батысында жел күшейеді – 15-20, күндіз екпіні 25 м/с жетеді.
Ақтөбе облысында солтүстікте тұман түседі, көктайғақ болады, жаяу бұрқасын соғып, жел күшейеді – 15-20, күндіз облыстың солтүстігінде екпіні 23-28 м/с жетеді.
Қостанай облысында солтүстікте бұрқасындатып, көктайғақ болады, желдің күші – 15-20 м/с, облыстың оңтүстігінде екпіні 25 м/с жетеді. Батыс Қазақстан облысында солтүстікте тұман түсіп, көктайғақ болады, жаяу бұрқасын соғады, солтүстікте, солтүстік-батыста жел 15-20 м/с күшейеді. Алматы облысында Алакөл маңында желдің күші – 15-20 м/с, екпіні 23-28 м/с жетеді. Түркістан облысында солтүстікте шаңды дауыл тұрады, солтүстікте және таулы аймақтарда желдің күші 15-20 м/с жетеді. Маңғыстау облысында солтүстікте тұман түседі, күндіз облыстың солтүстік-шығысында жел 15-20 м/с күшейеді. Қызылорда облысында түнде солтүстікте көктайғақ болып, жел 15-20 м/с күшейеді. Атырау облысында жел 15-20 м/с күшейеді деп болжанып отыр.
Нұр-Сұлтанда түнде және күндіз күн бұлтты, кей жерлерде жаяу бұрқасын соғып, көктайғақ болады. Жел – 9-14 м/с, екпіні – 15-20 м/с, күндіз кей жерлерде – 23 м/с. Түнде 4-6 градус суық, күндіз -1 градустан +1 градусқа дейін.
Алматыда түнде және күндіз көшпелі бұлт шығады, жауын-шашынсыз. Жел – 2-7 м/с. Ауа температурасы түнде -1-3 градус, күндіз 10-12 градус жылы.
Шымкентте түнде және күндіз көшпелі бұлт шығады, жауын-шашынсыз. Жел – 9-14 м/с. Ауа температурасы түнде -1 градустан +1 градусқа дейін, күндіз 11-13 градус жылы.
