Бүгін тұман, көктайғақ және күшті жел болады
Сейсенбі күні Қазақстанның төрт облысында тұман, көктайғақ және күшті жел күтіледі, деп хабарлайды «Қазгидромет» РМК баспасөз қызметі.
Алматы, NEGE. «Күндіз 31 желтоқсанда Батыс-Қазақстан облысының кей жерлерінде тұман, көктайғақ, бұрқасын күтіледі. Жел солтүстік-батыстан, күндіз кей жерлерде 15-20 м/с. Орал қ.: күндіз 31 желтоқсанда тұман. Жел солтүстік-батыстан, күндіз екпіні 18 м/с. 31 желтоқсанда Ақмола облысында кей жерлерде тұман күтіледі. Күндіз кей жерлерде бұрқасын күтіледі, солтүстік-батыстан соғатын жел оңтүстік-батысқа ауысады күші 15-20 м/с», – делінген дүйсенбіде таратылған дауылды ескертуде.
Сондай-ақ, 31 желтоқсанда Түркістан облысының кей жерлерінде тұман, көктайғақ күтіледі.
«Шымкент қ.: 31 желтоқсанда кей уақытта тұман күтіледі. Түркістан қ.: 31 желтоқсанда кей уақытта тұман күтіледі. 31 желтоқсанда Қызылорда облысының кей жерлерінде тұман, көктайғақ сақталады», – делінген хабарда.
Дауылды ескертудің ықтималдығы 85-95%.
