Бүгін симптомды – 3113, симптомсыз – 813 науқас тіркелді
8 және 14 маусым аралығында, бір апта ішінде симптоммен – 209 (2904-тен 3113-ке дейін), симптомсыз – 616 (197-ден 813-ке дейін) жаңа жағдай тіркелді. Өткен аптада 12 және 13 маусымда 324 адамнан анықталды.
Алматы, NEGE. Бір аптада 150 науқас емдеуден шығарылды, емдеуден шығарылғандар саны 2056 адамға дейін артты. Егер ауырған адамдарды жас шамасы бойынша қарайтын болсақ, негізінен жастар арасында анықталуда. Мысалы, 20-29 жас санатының үлесіне жұқтырғандардың жалпы санының 36,8%-ы келеді, 30-39 жас санатының арасында – 18,9%, 40-49 жас санатының үлесіне – 14,5%, 50-59 жас санатының үлесіне – 11,7%, 60 жастан жоғары және одан да жоғары егде жастағы адамдар арасында жұқтырғандардың жалпы санының 8,1%-ы келеді. Сондай-ақ, балалар мен жасөспірімдер арасында тіркелген жағдайлар да бар, 14 жасқа дейінгі балалар арасында – 5,1% және 15-19 жастағы жасөспірімдер арасында-4,9%.
Жұқпалы аурулар стационарларында жалпы 1226 адам жатыр, оның ішінде 57 бала бар. Барлық емдеуге жатқызылғандар арасында 5 адамның жай-күйі – өте ауыр, 62-інде – ауыр, 575 адамда – ауырлықтың орташа дәрежесінде, 584 адамда – қанағаттанарлық жағдайда, симптомсыз – 55 адам бар. Симптомсыз ауырған адамдар тәуекел тобына кіретін науқастар екенін атап өткен жөн.
Өкінішке қарай, біз жағдайы ауырлаған пациенттер санының өсіп келе жатқанын көріп отырмыз. Соңғы аптада олардың саны 36-дан 62 адамға дейін өсті. Талдаулары оң нәтиже көрсеткенде және аурудың ешқандай белгісі болмаған жағдайда тіркелген жері бойынша емханаға, үйден шықпай-ақ қоңырау шалу немесе Сall-орталығына 3000-103 нөміріне жүгіну қажет.
Амбулаториялық жағдайдағы бақылауды МСАК мобильді бригадалары келесі алгоритмге сәйкес жүргізеді: күн сайын екі рет телефонмен хабарласу; жалпы жай-күйін, дене қызуын бағалау, сырқаттану бойынша шағымдарын (жөтелу, тыныс алудың қиындауы, әлсіздік, тершеңдік, диарея, бөртпе, миалгия және тағы басқа) анықтау, сатурация (мүмкін болғанда); қажет болған жағдайда бейне-консультация жүргізу, 3 күнде1 реттен жиі емес.
Аурудың симптомсыз түрі бар адамдарды медициналық бақылау оқшаулаудың 10-шы күнінде ПТР тексеруімен, немесе ПТР-тексеруінсіз 14-ші күнінде мұрын-жұтқыншақтан алынған жағындының бір рет теріс нәтижесінен кейін босатылады.
Емделуге COVID-19 диагнозы расталған, егер олардың температурасы 3 күн ішінде 38,5°С болса, сатурация (қанның оттегімен қанығуы) 95 пайыздан аз болса, екі өкпесінде де 25 пайыздан астам өзгерістері таралған пневмония белгілері бар (КТ нәтижелері болған жағдайда) науқакастар жатады.