Бүгін Парламент Сенатының отырысы өтеді
Бүгін сағат 09:00-де ҚР Парламенті Сенатының отырысы болады, деп хабарлайды жоғарғы палатаның баспасөз қызметі.
Алматы, NEGE. Күн тәртібіне төмендегі мәселелер енгізілді:
1. Қазақстан Республикасы Парламентінің Мәжілісі мақұлдаған «Қазақстан Республикасының кейбір конституциялық заңдарына өзгерістер мен толықтырулар енгізу туралы» Қазақстан Республикасы Конституциялық заңының жобасы жөнінде.
2. Қазақстан Республикасы Парламентінің Мәжілісі мақұлдаған «Қазақстан Республикасының кейбір заңнамалық актілеріне өзгерістер енгізу туралы» Қазақстан Республикасы Заңының жобасы жөнінде. Санитарлық-эпидемиологиялық жағдайға байланысты 27 қаңтарда Сенат отырысына журналистер тіркелмейді. Сонымен қатар Сенат отырысы www.senate.parlam.kz сайтында онлайн түрінде көрсетіледі. Отырыстан түсірілген фотосуреттерді, бейнежазба және өзге де материалдарды бұқаралық ақпарат құралдары өкілдерінің сұрауы бойынша ҚР Парламенті Сенатының Баспасөз қызметі беретін болады.