Бүгін футболдан Қазақстан чемпионаты қайта жалғасады
Бүгін, 18 тамызда OLIMPBET-футболдан Қазақстан чемпионаты қайта жалғасады, деп хабарлайды Olympic.kz Қазақстан футбол федерациясының баспасөз қызметіне сілтеме жасап.
Алматы, NEGE. Мемлекеттік органдардың талабымен ойындардың барлығы арнайы медициналық хаттаманың ережелеріне сәйкес қатаң бақылауда өтеді. Аталған құжат жарыстарды қабылдайтын спорт ғимараттарында санитариялық-эпидемиологиялық режимді қатаң сақтау үшін жүргізілетін жол картасы болмақ. Қазіргі уақытта ойындардың барлығы «Алматы/Талғар» локациясында жанкүйерлерсіз өтеді.
Стадиондарда жұмыс істейтін қызметкерлердің саны да шектеулі болмақ. Ел чемпионатына қатысатын әр клуб өзгелермен жақын қарым-қатынас орнатпауы, карантин режимінде қонақүйге орналасуы тиіс. Ойыншылар мен бапкерлер, сонымен қатар, жарысты ұйымдастыруға қатысатын басқа да адамдар коронавирус індетін анықтайтын сынақты үнемі тапсырып отырады. Санитариялық-эпидемиологиялық талаптардың қатаң сақталуын Қазақстан Республикасының Денсаулық сақтау министрлігінің өкілдері қадағалайды.
Ойындардың басталу уақыты
18.08.2020 «Каспий» (Ақтау) – «Қайрат» (Алматы) 17:00 Төрешілер: Денис Тевяшов (Орал), Денис Лабашов (Атырау), Юрий Тихонюк (Ақтөбе) Резерв төреші: Бағдат Абдоллаев (Қаратау) Инспектор: Сергей Цареградский (Алматы)
18.08.2020 «Жетісу» (Талдықорған) – «Ордабасы» (Шымкент)
19:00 Төрешілер: Артём Кучин (Қарағанды), Серік Жаппасбаев, Ғалымжан Айжігітов (екеуі де - Қызылорда) Резерв төреші: Данияр Сахи (Қызылорда) Инспектор: Нұржан Доскеев (Алматы)
18.08.2020 «Тараз» (Тараз) – «Қызыл-Жар» (Петропавл)
21:00 Төрешілер: Рүстем Омаров, Сергей Васютин, Самат Тергеусізов (барлығы - Алматы) Резерв төреші: Тимур Кумашев (Нұр-Сұлтан) Инспектор: Александр Перемитин (Алматы)
19.08.2020 «Шахтёр» (Қарағанды) – «Қайсар» (Қызылорда)
18:00 Төрешілер: Денис Измайлов (Талдықорған), Евгений Бельский (Тараз), Иван Навроцкий (Нұр-Сұлтан) Резерв төреші: Айдын Рахымбаев (Алматы) Инспектор: Виталий Каган (Алматы) IV турдағы «Тобыл» (Қостанай) – «Астана» (Нұр-Сұлтан) матчы елордалық клубтың УЕФА Чемпиондар лигасына қатысуына байланысты 25.08.2020 ауыстырылған.
Ойындардың барлығы, сонымен қатар, 18 тамыздан 19 тамызға қараған түні УЕФА Чемпиондар Лигасындағы «Динамо» (Брест, Беларусь) – «Астана» (Нұр-Сұлтан, Қазақстан) матчы «Qazsport» телеарнасында тікелей эфирде көрсетіледі.
