Бүгін Эйфель мұнарасы жабылды
Бейсенбіде француз кәсподақтарының зейнетақы реформасына қарсы ереуіліне байланысты келушілерге Эйфель мұнарасы есігін жапты. Бұл туралы мұнараның Twitter-дегі ресми өкілінің жазбасына сілтеме жасап ТАСС хабарлады.
Алматы, NEGE. Бейсенбіде Франция астанасында және елдің басқа да қалаларында зейнетақы реформасына қарсы кәсіподақтардың кезекті шеруі өтті. Шерушілер лек-легімен Шығыс вокзалдан Ұлттық алаңға дейін жүріп өткен. Олардың кейбірі зейнетақы реформасының кейбір шарттарын өзгертуді талап етсе, енді бір бөлігі реформаға түбегейлі қарсылығын білдірген.
Францияда зейнетақы реформасына қарсы ереуілдер 5 желтоқсанда кәсіподақтардың бастамасымен басталды. Акцияға мұғалімдер, заңгерлер, қарапайым жұмысшылар қосылған. Олар зейнетақы жасын 64 жасқа дейін көтеру туралы үкіметтің ұсынысына қарсы.
