Бүгін ауа райы қандай болады?
«Қазгидромет» мамандарының болжамынша, бүгін Қазақстан аумағының басым бөлігіне антициклон әсер етеді.
Алматы, NEGE. Осыған байланысты көбіне жауын-шашынсыз ауа райы күтіледі. Тек еліміздің батысында және оңтүстігінде атмосфералық фронттардың өтуіне байланысты кей жерлерде жаңбыр жауып, найзағай жарқылдайды.
Республиканың кей жерлерінде жел екпіні 15-20 м/с жетеді. Батыста және шығыста – тұман. Жамбыл, Солтүстік Қазақстан, Алматы, Қарағанды, Шығыс Қазақстан, Түркістан облыстарының кей жерлерінде жел қарқыны - 15-20 м/с. Шығыс Қазақстан және Батыс Қазақстан облысының кей жерлерінде тұман түседі. Түнде Қарағанды, Шығыс Қазақстан облыстарының кей жерлерінде 1-3 градус үсік жүреді. Қызылорда облысының басым бөлігінде, Қарағанды, Түркістан облыстарының кей жерлерінде, Атырау облысының оңтүстігінде, Алматы, Жамбыл облыстарының батысында төтенше өрт қаупі сақталады.
