«BTS» сахнаға оралды
BigHit Entertainment компаниясының қолдауымен құрылған «BTS» тобы алғаш сахнаға 2013 жылдың 13 маусымында «No Мore Dream» әнімен шыққан. Олардың туындылары жасөспірімдер арасында кең таралды. Танымалдылыққа қол жеткізген жігіттер соңғы уақытта сахнадан көрінбей кеткен еді.
Оңтүстік кореялық жігіттер біраз үзілістен кейін, сахнаға қайта оралмақ ниетте. K-pop әлемінің жарық жұлдызына айналған олар алдағы уақытта жаңа альбомын тыңдармандарына ұсынды. Көптен күткен «Map of the Soul:7» атты үнтаспаға 20 ән енген. Мемберлердің бұл еңбегінде америкалық өнерпаз Sia-мен де каллоборация бар көрінеді. Шетелдік әріптестерімен ортақ туынды жазуды әдетке айналдырған «BTS» жанкүйерлері үшін тосын сый дайындап қойған. Ал аты әлемге танылған өнерпаздардың су жаңа альбомы 21 ақпанда жарық көрмек.
