Британия парламенті жастарға темекі сатуға өмір бойы тыйым салатын заңды мақұлдады

Астана, NEGE. Бұл құжатқа сәйкес, 2009 жылғы 1 қаңтардан кейін туған барлық жасқа темекі өнімдерін сатуға мәңгілік тыйым салынады, деп жазады The Guardian.

«Темекі шекпейтін ұрпақ» қалыптастыруға бағытталған реформа корольдің ресми мақұлдауынан кейін келесі аптадан бастап күшіне енеді.

«Темекі өнімдері мен вейптер туралы» заңның негізгі мақсаты – темекі сатуға тыйым салатын жасты жыл сайын ұлғайту. Осылайша, уақыт өте келе ел тұрғындары үшін темекіні сатып алуды заңсыз ету көзделген.

«Ұлыбританиядағы балалар темекіден азат алғашқы буынның бір бөлігіне айналады және өмір бойғы тәуелділік пен зияннан қорғалады. Алдын алу емдеуден тиімді. Бұл реформа адамдардың өмірін сақтап, Ұлттық денсаулық сақтау қызметіне түсетін жүктемені азайтады және дені сау Ұлыбританияны қалыптастырады», – дейді Денсаулық сақтау министрі Уэс Стритинг.

Оның мәлімдеуінше, темекімен байланысты ауруларды, мысалы қатерлі ісік пен жүрек ауруларын емдеу үшін елдің Ұлттық денсаулық сақтау қызметі жылына 3 миллиард фунт стерлинг жұмсайды. 

Ұлыбританияда темекі жыл сайын 64 мың адамның өліміне себеп болып отыр.