Дүние
Британдық British Airways әуе компаниясы Қытайға ұшуын тоқтатты
Британдық British Airways әуе компаниясы өңірдегі тәжвирусы індетінің өршіп кеткеніне байланысты Қытайға ұшуын тоқтатты. Бұл туралы британдық Guardian басылымы хабарлады.
Алматы, NEGE.
«Қолайсыздықтар үшін жолаушылардан кешірім сұраймыз, бірақ біз үшін клиенттер мен экипаж мүшелерінің қауіпсіздігі әрдайым басымдыққа ие», - дейді әуе компаниясының өкілдері.
Бұған дейін Ұлыбританияның СІМ вирусқа байланысты британ азаматтарын шұғыл болмаған жағдайда, Қытайға сапардан бас тартуға шақырған еді. British Airways қытайға билет алған жолаушыларға қажет ақпаратты компанияның ресми сайтынан алуға болатынын мәлімдеген.
Бұған дейін АҚШ әуе компаниялары Қытайға ұшудан бас тартқан жолаушылардың билеттерін айыппұлсыз қайтарып беруге уәде еткен болатын. Қазақстандық «Эйр Астана» әуе компаниясы да көрші елге сапарынан бас тартқан жолаушыларға билетін қайтарып беруге немесе басқа уақытқа қосымша ақысыз ауыстыруға әзір екенін хабарлаған.