Brent баррелінің бағасы 57 доллардан асты
Мұндай көрсеткіш соңғы мәрті 13 қаңтарда тіркелген еді. Лондондағы ICE биржасында Brent сұрыпты мұнай баррелінің бағасы 1,19%-ға өсіп, 57,02 долларға жетті. Соңғы мәрте Brent бағасының 57 доллардан асқаны 13 қаңтарда байқалған болатын, деп хабарлайды inbusiness.kz
.
Алматы, NEGE. WTI сұрыпты мұнайдың сәуірдегі фьючерстерінің құны 1,32%-ға қымбаттап, қазір оның бір баррелі 54,13 долларға саудаланып жатыр. Еске сала кетсек, бұған дейін ОПЕК+ елдерінің кезекті отырысы ұйымдастырылған еді. Жиында өндіруші елдер үшін келісімнің шарттарын алдағы екі айда өзгеріссіз қалдыру туралы шешім қабылданды. Қазақстан мен Ресей ғана ақпан мен наурыз айларында өндірісті сәл де болса арттырады. Сауд Арабиясы мен бірқатар ел бір күнде өндірілетін мұнай көлемін тағы да қысқартты. Дегенмен коронавирустың жаңа штамдарының пайда болуы динамикаға кері әсерін тигізіп отыр. Reuters болжамы бойынша, мұнай бағасы 2021 жылдың желтоқсан айына дейін құбылады, сұраныс қалпына келгеннен кейін өсе бастайды.
