1 Сәуір 15:31
Brent баррелі 63,11 долларға саудаланып жатыр
ОПЕК+ альянсы 1 сәуірде мамырдағы өндіріске қатысты шешімін жариялайды. 1 сәуірде эталон сұрыпты мұнай бағасы көтеріле бастады, деп хабарлайды Inbusiness.kz.
Нұр-Сұлтан, NEGE. Ресми дерек бойынша, Brent сұрыпты мұнай фьючерстері 0,59%-ға қымбаттап, 63,11 доллар болды. WTI сұрыпты мұнай бағасы 0,63%-ға артып, бір баррелі 59,53 долларға саудаланып жатыр. Бүгін ОПЕК+ мамыр айындағы мұнай өндірісіне қатысты шешім қабылдайды. 31 наурызда ОПЕК+ комитетінің кездесуінде сөз сөйлеген ОПЕК ұйымының бас хатшысы Мұхаммед Баркиндо жаппай вакцинация мен экономиканы ынталандыру шараларына қарамастан экономикалық ахуалдың мәз емес екенін айтты. ОПЕК+ техникалық комитеті отырыста мамыр айына дейін қазіргі квоталарды ұзарту және Сауд Арабиясының шектеулерін сақтау жағын қарастырған болатын, бірақ ешқандай ұсыныстар қабылданбады.
