Бразилияда коронавирустың таралуы бәсеңдемей тұр
Әлемде короонавирус жұқтырғандар саны 25 миллионннан асты. Бұл туралы америкалық Джонса Хопкинс атындағы университет мәлімдеді, деп хабарлайды «Хабар 24».
Алматы, NEGE. Қауіпті вирус АҚШ, Бразилия, Үндістан, Ресей және Перуде кең тарады. Дертке шалдыққандардың төрттен бір бөлігі – Құрама Штаттарда. Мұнда соңғы бір тәулікте 44 мыңнан астам тұрғын вирусты жұқтырып, ауырғандардың жалпы саны 6 миллионға жуықтады. Індеттен 180 мыңнан астам науқас көз жұмған. Бразилияда да коронавирустың таралуы бәсеңдемей тұр.
Соңғы бір күнде дертті 16 мың азамат жұқтырып алған. Бұл өткен аптадағы бір күндік көрсеткіштен әлдеқайда төмен. Жалпы бұл мемлекетте дертке шалдыққандардың саны 4 миллионға жуықтаған. Олардың 3 миллиондайы емделіп шығып, 120 мыңнан астам науқас қайтыс болды. Ал Перуде коронавирусты жұқтырғандардың саны 630 мыңға тақады. Кеселден 28 мыңнан астам көз жұмған. Соңғы апталарда індеттің таралуы қайта күшейіп, елде төтенше жағдай тәртібі қайта қыркүйектің 30-ына дейін созылды.
Қазір оқып жатыр
Алматыда заңгер Әділетхан Молдаханның сотында журналистерді сыртынан қамап қойған
Блогер Шайхтың миллион теңгеге сатылған бизнес-турлары тексеріліп жатыр
2,6 млрд теңге субсидия заңсыз алынған: экс-депутаттың ісі сотқа жолданды
«Алтыншы күн қатарынан комада жатыр»: Алматыда жас қыздың үстіне қураған ағаш құлады
