Бразилия жағалауында ұшақ жоғалып кетті
Сәрсенбі күні кешке Бразилияның оңтүстік-шығыс жағалауында шағын ұшақ жоғалып кетті.
Алматы, NEGE. Бұл туралы бейсенбі күні CNN Brasil телеарнасы Сан-Паулу штатының құтқару қызметіне сілтеме жасап хабарлады. Бортында үш адам болған ұшақ Кампинас қаласынан Рио-де-Жанейроға қарай ұшқан, бірақ Убатуба және Парати қалалары ауданында екі штаттың шекарасында теңіз үстінде жоғалып кеткен. Екінші ұшқыштың ата-анасының айтуынша, әуе кемесінде ақау болған. Іздеу-құтқару операциясы жүргізіліп жатыр. Алдын ала мәліметке қарағанда, ұшақ теңізге құлауы немесе суға қонуға мәжбүр болуы мүмкін.