Бір жерден төрт рет мал ұрлаған күдікті ұсталды
Еңбекшіқазақ ауданының 25 жастағы тұрғыны алғашқы рет 28 қаңтарында полициядан көмек сұраған.
Алматы, NEGE. Сол уақытта оның сарайынан құны 600 мың теңге болатын бір бас жылқысы ұрланған. Аталған жағдайға дейін оның табынынан қойлары да жоғалғаны белгілі болды. Бір жарым айдың ішінде оның жалпы сомасы 900 мың теңге болатын бірнеше бас ұсақ малы мен бір бас жылқысы ұрланған.
Аталған қылмыстар Шелек ауылының полиция бөлімінде қылмыстық құқық бұзушылық белгілері бойынша тіркелді.
Жедел-іздестіру іс-шаралары барысында полиция қызметкерлері күдіктінің жеке басын анықтап, оны дереу ұстады. Ол 29 жастағы жергілікті тұрғын болып шықты. Қазіргі уақытта ол өз қылмысын толық мойындап, УҰИ-ға қамаққа алынды.
Қазіргі уақытта ұсталған адамның басқа да осыған ұқсас қылмыстарға қатыстылығын тексерумен барлық қажетті тергеу әрекеттері жүргізіліп жатыр.