Бозымбаев сыйға тартқан резиденция балаларды оңалту орталығына айналды

Алматы, NEGE. Ғимаратты қайта қалпына келтіруге 80 миллион теңге жұмсалды. Жаркенттегі бір қабатты тұрғын үйдің іргетасы 2013 жылы қаланған. Жалпы ауданы 900 шаршы метр, жер аумағы – 1 гектар.

Жетісу облысы әкімдігі баспасөз қызметінің хабарлауынша, орталықта Монтессори кабинеті, сенсорлы кабинет, физиотерапия кабинеті, физиотерапия жаттығулары, дефектолог және логопед кабинеттері, гидромассаж және массаж кабинеті, акт залы, дәрігерлерге арналған емдеу және еңбекке үйрету кабинеттері бар.

Естеріңізде болса, бұрынғы Алматы облысының әкімі Қанат Бозымбаев 2022 жылдың наурыз айында Жаркент қаласындағы резиденциясын балаларды оңалту орталығы етуді ұсынған болатын. 

Көп уақыт өтпей-ақ бос тұрған резиденция балалардың игілігіне берілді. Ерекше балаларды асырап отырған ата-аналар үшін осындай орталықтар өте қажет.