Борат стилінде киінген «Брюгге» жанкүйерлері 5 күнге қамалды
Бұл жөнінде Ішкі істер министрінің орынбасары Санжар Әділов хабарлады.
Астана, NEGE. «Астана Арена» стадионында өткен «Қайрат» пен «Брюгге» арасындағы матч кезінде тәртіп бұзған бельгиялық жанкүйерлер әкімшілік жауапқа тартылған.
Бұған дейін Астана қалалық полиция департаменті тәртіп бұзушылар ұсталғанын, олардың үстінен ұсақ бұзақылық және қоғамдық орында мас күйде жүру фактілері бойынша әкімшілік іс қозғалғанын хабарлаған еді.
Еске салсақ, 20 қаңтарда «Қайрат» футбол командасы УЕФА Чемпиондар лигасының жалпы кезеңінде өз алаңында бельгиялық «Брюгге»-ні қабылдады. Алматылық команда қонақтарға есе жіберді. Есеп – 4:1. Ойындағы «Қайраттың» жалғыз голын Әділет Садыбеков салды.