Болат Жұрабаев денсаулығына байланысты Қарулы күштердің Арнайы операциялар күштерінің қолбасшысы қызметінен босатылған
Болат Жұрабаев денсаулығына байланысты Қарулы күштердің Арнайы операциялар күштерінің қолбасшысы қызметінен босатылды, деп хабарлады қорғаныс министрі Руслан Жақсылықов.
Алматы, NEGE. «Әскери қызметкердің денсаулығына байланысты отставкаға кетуін қандай да бір оқиғамен байланыстырмаңыздар. Бұл – өмірдің заңы. Арнайы операциялар күштерінің қолбасшысы денсаулығына байланысты зейнеткерлікке шықты. Өйткені Арнайы операциялар күштеріне денсаулық жағдайына байланысты бөлек талап қойылады», – деді Жақсылықов.
Еске салайық, Президент Қасым-Жомарт Тоқаев 2023 жылдың 29 желтоқсанында Жұрабаевты Арнайы операциялар күштерінің қолбасшысы қызметінен босатқан болатын.