Болат Назарбаевтың портреті бар сағат 600 мың теңгеге сатылып жатыр
OLX платформасында тұңғыш президенттің інісі Болат Назарбаевтың 55 жасқа толуына орай шығарылған болуы мүмкін естелік қолсағаты сатылымға шығарылды.
Астана, NEGE. Сатушы Болат Назарбаевтың портреті түсірілген қара циферблат үшін 600 мың теңге сұраған. Сонымен қатар сағаттың бағасын келісуге дайын екенін көрсеткен.
Сағаттың артқы қақпағында Болат Назарбаевтың есімі, «55 лет» деген жазу және «23 наурыз 2008 жыл» деп қашалып жазылған. Бұйымда Limited деген де белгі бар.
Хабарландыруда сағаттың жаңа екені әрі сыйлықтың түпнұсқалығын растайтын құжаты бар екені жазылған.
«Естелік бұйым ретінде сақталған. Сыйлықтың шығу тегін растайтын сертификаты мен құжаты бар», – деп көрсеткен сатушы.
Сатушы қызығушылық танытқан жандармен жеке кездесіп, сағат пен оның құжаттарын көрсете алатынын айтады.
Алайда бұйымды кімнің жасағаны, бастапқыда кімге сыйланғаны және оның түпнұсқалығы туралы ақпарат жарияланбаған.